Паблізу Будапэшта сутыкнуліся два цягнікі
- 16.08.2015, 20:27
- 3,547
У прадмесці вугорскай сталіцы Будапэшта адбылося лабавое сутыкненне двух цягнікоў.
У выніку інцыдэнту пацярпелі 19 чалавек, паведамляе ЛІГАБізнесІнформ са спасылкай на Reuters.
Паводле аператыўных звестак мясцовых ратавальнікаў, тры чалавекі знаходзяцца ў цяжкім стане. Таксама сярод пацярпелых - машыніст аднаго з цягнікоў.
Як паведаміў прадстаўнік дзяржаўнай чыгуначнай кампаніі Вугоршчыны, да сутыкнення цягнікі рухаліся з нізкай хуткасцю - блізу 20 км/г. Дзякуючы гэтаму колькасць пацярпелых не перасягнула 20 чалавек, а ахвяр здалелі ўнікнуць.
Мясцовая паліцыя пачала расследаванне прычын аварыі.
Ці былі сярод пацярпелых грамадзяне Украіны, ва ўкраінскім пасольстве пакуль не паведамляюць.
Нагадаем, раней у Румыніі адбылася новая аўтакатастрофа, у якой загінула ўкраінка, а двое грамадзян Украіны атрымалі траўмы і былі шпіталізаваныя.