У дыпламатычным квартале Кабула прагрымеў выбух
- 22.08.2015, 16:02
- 16,341
У сталіцы Афганістана ў суботу прагрымеў выбух. На гэты момант вядома пра 13 пацярпелых.
Як паведамілі BBC у мясцовай паліцыі, выбуховае прыстасаванне спрацавала непадалёк ад прыватнай клінікі ў дыпламатычным раёне места.
Як распавёў прадстаўнік міністэрства аховы здароўя краіны, пяцёра з 13 шпіталізаваных - жанчыны.
Дакладных звестак аб колькасці пацярпелых і прычынах выбуху на гэты момант няма. Са слоў прадстаўніка паліцыі, у клініцы маглі знаходзіцца пацыенты.
У густанаселеным раёне, дзе выбухнула бомба, размешчана некалькі жылых кварталаў і ўрадавых будынкаў.
Аб прычыне выбуху афіцыйных звестак таксама няма, аднак крыніцы Франс прэс паведамляюць, што на месцы выбуху відаць абгарэлы каркас аўтамабіля.
7 жніўня ў Кабуле адбылося тры выбухі ў паліцэйскіх і вайсковых установах, ахвярамі якіх сталі не менш за 50 чалавек. За два з іх узяў на сябе адказнасць экстрэмісцкі рух "Талібан".