28 сакавiка 2024, Чацвер, 14:52
Падтрымайце
сайт
Сім сім,
Хартыя 97!
Рубрыкі

Чаму Лукашэнка вызваліў палітвязняў?

65
Чаму Лукашэнка вызваліў палітвязняў?

Чаму беларускі дыктатар вызваляе палітвязняў менавіта цяпер, праз пяць гадоў пасля іх арышту?

Нагадаем, што сёння афіцыйнае агенцтва БелТА са спасылкай на Адміністрацыю Лукашэнкі паведамляе аб вызваленні з месцаў пазбаўлення волі Мікалая Дзядка, Ігара Аліневіча, Мікалая Статкевіча, Яўгена Васьковіча, Арцёма Пракапенкі, Юрыя Рубцова.

Пракаментаваць гэты факт сайт charter97.org папрасіў лідараў грамадзянскай кампаніі «Еўрапейская Беларусь», таксама былых палітвязняў Андрэя Саннікава і Зміцера Бандарэнку.

Андрэй Саннікаў:

- Перш за ўсё хочацца павіншаваць саміх палітвязняў, іх сем'і, для якіх гэта велізарная радасць, усіх нас. Вельмі рады, што вызвалілі Мікалая Статкевіча - кандыдата ў прэзідэнты, чалавека мужнага, які прайшоў праз катаванні дзеля свабоды Беларусі, нашай волі. Рады, што вызвалілі ўсіх палітвязняў, таму што была рызыка, што Лукашэнка будзе гандляваць імі па аднаму. Безумоўна, тут не ідзе гаворка ні пра якую добрую волю дыктатара. Прычына такой пастановы відавочная ўсім - гэта катастрафічнае эканамічнае становішча Беларусі і разлік Лукашэнкі на тое, што вызваленне дапаможа атрымаць заходнія грошы, прычым гэтыя грошы патрэбныя не для выратавання эканомікі, а для выратавання ўласнага рэжыму. Тым не менш, гэта радасны дзень - дзень свабоды і надзеі на вызваленне ўсёй Беларусі.

Зміцер Бандарэнка:

- Лукашэнка вымушаны быў вызваліць беларускіх палітвязняў па адной прычыне - праз крах эканомікі ў краіне: у разы вырасла колькасць беспрацоўных, за апошнія 5 гадоў УБП толькі скараціўся, нават падчас чарговых выбараў рэзка ўпалі заробкі беларусаў. За год беларускі рубель абясцэніўся на 70 адсоткаў. Аднак сёння для беларусаў шчаслівы дзень, вызваленыя і выйшлі на свабоду нашы таварышы, і мы з імі і іх сем'ямі падзяляем гэтую радасць. Асаблівыя чаканні грамадзяне Беларусі звязваюць з Мікалаем Статкевічам - кандыдатам у прэзідэнты на выбарах 2010 года, экс-лідэрам «Беларускага саюза вайскоўцаў», падпалкоўнікам у адстаўцы. У турме ён некалькі разоў трымаў галадоўкі, больш за год правёў у адзіночнай камеры. Менавіта з гэтым чалавекам беларусы звязваюць свае надзеі на змену сітуацыі ў краіне.

Напісаць каментар 65

Таксама сачыце за акаўнтамі Charter97.org у сацыяльных сетках