Украіна ды Польшча дамовіліся ўзаемна абараняць сакрэтную інфармацыю

Пагадненне тычыцца органаў дзяржаўнай улады, прадпрымальнікаў а таксама фізічных асоб.

Адпаведнае пагадненне падпісалі ў чацвер у Варшаве кіраўнікі СБУ і Агенцтва ўнутранай бяспекі (ABW) Польшчы Васіль Грыцак і Дарыюш Лучак, паведамляе Укрінформ.

"Паводле дамовы, будуць створаныя новыя юрыдычныя падставы для абароны сакрэтнай інфармацыі, якой будуць абменьвацца Украіна ды Польшча, ці якая будзе рыхтавацца ў рамках супрацоўніцтва абедзвюх краін", - гаворыцца ў паведамленні.

Адзначаецца, што пагадненне тычыцца органаў дзяржаўнай улады, прадпрымальнікаў, якія рэалізуюць сакрэтныя кантракты, а таксама фізічных асоб у сферы дадзенага ім доступу да сакрэтнай інфармацыі і ў рамках выканання імі службовых абавязкаў.