На ўсходзе Аўстрыі знайшлі грузавік з трупамі 50 мігрантаў
11- 28.08.2015, 9:33
- 21,297
У прыпаркаваным грузавіку на ўсходзе Аўстрыі знойдзены целы блізу 50 загінулых уцекачоў-мігрантаў.
Пра гэта паведамляе найбуйнейшая аўстрыйская газета Krone, піша gazeta.ru.
Паводле папярэдніх звестак, загінулыя задыхнуліся. Паводле звестак паліцыі, смерць людзей магла наступіць не менш чым за дзень да выяўлення. У гэты час грузавік мог знаходзіцца за межамі Аўстрыі, мяркуюць у паліцыі.
«Многія сведчанні паказваюць на тое, што пры перасячэнні мяжы людзі былі мёртвыя», - сказаў прадстаўнік аўстрыйскай паліцыі.
Колькасць бежанцаў і нелегальных мігрантаў у Еўропе дасягнула рэкордных значэнняў канца Другой сусветнай вайны. У ліпені колькасць зарэгістраваных мігрантаў у ЕЗ дасягнула 107,5 тысяч. - Гэта ўтрая больш, чым у ліпені мінулага года.
Нямеччына ўважае за мэтазгоднае стварыць цэнтры рэгістрацыі ўцекачоў у такіх краінах, як Грэцыя ды Італія. А ўлады Чэхіі прапануюць неадкладна закрыць шэнгенскую зону для мігрантаў.