Астранаўт выдаў сакрэт прыгатавання гамбургера на МКС

Амэрыканскі астранаўт Скот Кэлі ў гонар Нацыянальнага Дня бургера апублікаваў рэцэпт прыгатавання гамбургера ў варунках бязважкасці.

Для пачатку трэба ўвільгатніць засушанае ў вакуумным апакаванні мяса ў спецыяльным апараце, піша астранаўт у інстаграме.

Пасля гэтага варта ўзяць нажніцы і адкрыць пакуначкі з сырам і праснакамі-тарціллямі. Далей на праснакі выціскаюцца сыр, гарчыца і кетчуп, піша «Газета.Ru».

«Цешцеся!», - падагульняе Кэлі пад апублікаванай фатаграфіяй касмічнай стравы.