РПЦ правядзе абрад выгнання імпарту з крамаў
41- 29.08.2015, 9:43
- 21,697
Месца на прылаўках расейскіх крам, спусцелае ў выніку санкцый, могуць запоўніць прадукты, вырабленыя ў манастырскіх гаспадарках.
У Маскоўскім Патрыярхаце (МП) мяркуюць, што яны ўжо гатовыя да гэтага, цяпер справа - за рытэйлерамі, паведамляе mk.ru са спасылкай на Regnum.
Манастыры могуць заняцца імпартазамяшчэннем у харчовай сферы і забяспечыць гандлёвыя сеткі РФ аналагамі замежных прадуктаў, увоз якіх на тэрыторыю краіны забаронены ў сувязі з эмбарга. Як мяркуе намеснік старшыні Сінадальнага аддзела ва ўзаемадзеянні царквы і грамадства Раман Багдасараў, для пачатку працэсу неабходна, каб «прыйшоў рытэйлер і сказаў, што хоча, дапусцім, наладзіць продаж лінейкі праваслаўнай прадукцыі - ад малака да глазураваных сыркоў».
Са слоў прадстаўніка МП, насельнікі манастыроў ужо сталі вырошчваць больш гародніны і збожжа, разводзіць рыбу і зрабілі багацейшым асартымент сваіх сыроў, у лік якіх увайшлі мацарэла, качота, рыкота. Частка гаспадарак ужо плануе выйсці ў гандлёвыя сеткі і пастаўляць прадукцыю ў Маскву, Санкт-Пецярбург ды іншыя гарады.
«Манастырскія гаспадаркі могуць гэта вырабляць», - адзначае Багдасараў.
Акрамя таго, са слоў царкоўнага дзеяча, гаворка ідзе не толькі аб харчаванні, манастырскія гаспадаркі змогуць пастаўляць на расейскі рынак і іншыя тавары. «Гэта могуць быць праваслаўныя інтэр'еры, каб людзі мелі магчымасць купіць мэблю, зробленую ў нас, больш танную і адпаведную традыцыям, а не толькі італьянскую або нямецкую», - кажа ён.