Палітвязня Алега Сянцова павіншавалі ў жывым эфіры LifeNews
1- 29.08.2015, 13:55
- 8,371
У жывым эфіры крамлёўскага прапагандысцкага канала LifeNews адбыўся непрыемны для расейцаў інцыдэнт.
Ірландскага рэжысёра Джоні О'Райлі запрасілі ў эфір расейскага тэлеканала LifeNews, вядомага прапагандысцкімі сюжэтамі пра Украіну, з нагоды ягонага фільма «Масква ніколі не спіць».
Вядучыя папрасілі расказаць рэжысёра аб сваім новым фільме, а ён пачаў са словаў падтрымкі Алега Сянцова.
«Спачатку хачу павіншаваць усіх з Днём кіно. І хачу павіншаваць аднаго чалавека, які цяпер сядзіць у турме праз палітычныя прычыны - Алега Сянцова. Гэта важна, каб мы яго не забывалі, асабліва ў гэты дзень», - паведаміў ірландзец.
Раней паведамлялася, што расейскі суд прыгаварыў украінскага рэжысёра Алега Сянцова да 20 гадоў строгага рэжыму, а Аляксандр Кольчанка атрымаў 10 гадоў строгага рэжыму.