Міхаіл Касьянаў: Каб утрымаць уладу, Пуціну патрэбна вайна
3- 3.08.2015, 12:48
- 5,429
Але такая сітуацыя можа працягнуцца нядоўга і ўжо налета яму давядзецца вызначацца з Украінай.
Апазіцыянер і былы прэм'ер-міністр Расеі Міхаіл Касьянаў мяркуе, што Уладзіміру Пуціну патрэбна цяперашняя вайна, каб падтрымліваць сваю ўладу.
Пра гэта ён заявіў у інтэрв'ю «Украінскай праўдзе».
«У Пуціна ёсць дылема - з аднаго боку, яму не патрэбна вайна і праблемы ў эканоміцы і ён не хоча рэагаваць на санкцыі, з другога боку, яму патрэбна вайна, каб застацца ва ўладзе. Якім чынам? Эфект мабілізацыі», - мяркуе ён.
Са слоў Касьянава гэта дазваляе ўтрымліваць насельніцтва Расеі пад кантролем.
«І таму ўсе тлумачэнні зводзяцца да замежнага ворагу. Замежны вораг - ЗША і заблудзіўся, у разуменні Пуціна, Еўразвяз, які не разумее, дзе яго шчасце, што яно тут, у Расеі, а не ў супрацоўніцтве з ЗША і Канадай. Набор тлумачэнняў для насельніцтва просты: «мы абараняемся, усё ў акопы, плячом да пляча, на нас нападаюць, нас хочуць пазбавіць нафты і газу, суверэнітэту, заняволіць», - сказаў апазіцыянер.
У той жа час Касьянаў мяркуе, што такая сітуацыя можа доўжыцца нядоўга і ўжо ў наступным годзе Пуціну прыйдзецца «вызначацца з Украінай», паколькі расейская эканоміка не вытрымае.
Ён адзначыў, што Пуцін злуецца і не разумее, чаму Захад не згаджаецца на расейскія ўмовы пастаянныя ўкраінскага пытання, у прыватнасці - спецфедэралізацыю ўсходніх абласцей, іх фінансаванне і аднаўленне Украінай.
Касьянаў упэўнены, што Захад на такія ўмовы не пойдзе.