«Новая газета»: Фігурант «справы Нямцова» Герамееў пакінуў Расею

Былы баец чачэнскага батальёна «Поўнач» Руслан Герамееў, які знаходзіцца ў федэральным вышуку, пакінуў Чачэнію ў складзе прадстаўнічай дэлегацыі.

Паводле звестак «Новай газеты», яму быў зроблены новы замежны пашпарт на іншае імя.

Суразмоўца выдання, які бачыў Руслана Герамеева, якога падазраюць у дачыненні да забойства Барыса Нямцова, перад ад'ездам, сцвярджае, што былы афіцэр моцна змяніў знешнасць (колер валасоў, прычоску). Крыніца паведаміла, ён мог выехаць з Расеі пад выглядам конюха ў складзе чачэнскай дэлегацыі, якая вылецела ў канцы сакавіка з Каспійска ў Эміраты на Сусветны кубак Дубая-2015. Інфармацыю аб перасячэнні ім расейскай мяжы ў складзе коннаспартыўнай дэлегацыі выданню пацвердзіла яшчэ адна крыніца. У спаборніцтвах удзельнічалі два кані кіраўніка Чачэніі.

У складзе коннаспартыўнай дэлегацыі з Каспійска таксама вылецеў начальнік РАУС Шэлкаўскага раёна Ваха Герамееў, якога СМІ называюць сваяком Герамеева.

У Дубаі ў 2009 годзе паводле іншага гучнага забойства быў затрыманы конюх Кадырава, грамадзянін Ірана Махдзі Лорнія. Ён быў прызнаны вінаватым у дачыненні да забойства экс-камандзіра спецбатальёна «Усход» Героя Расеі Суліма Ямадаева і асуджаны на 25 гадоў.

Барыс Нямцоў быў забіты познім вечарам 27 лютага на Вялікім Маскварэцкім мосце. Невядомы стрэліў у яго некалькі разоў. Ад атрыманых раненняў Нямцоў памёр на месцы.