На сайце менскага парка дыназаўраў Беларусь далучылі да Мардору
6- 3.08.2015, 16:33
- 19,716
Кур'ёзную мапу выявілі наведвальнікі сайта парка ыназаўраў, які нядаўна адкрыўся ў Менску.
На ёй - краіны Еўропы, аднак іх назвы ўзятыя з вядомай трылогіі «Уладар кольцаў».
Скандынавія пазначаная як Рахан, Нямеччына - як Гондар, а амаль уся ўсходняя частка Еўропы - як Мардор. Яго часткай стала і Беларусь. Паводле сюжэту «Уладара пярсцёнкаў», Мардор - краіна, дзе гуртуюцца сілы зла і жывуць лютыя оркі.
Якое дачыненне мапа мае да менскага парку дыназаўраў? З такім пытаннем «Наша Ніва» звярнулася ў адміністрацыю парку.
«Гэта недапрацоўка. Чакаем калі праграмісты прыбяруць», - растлумачылі там.