Актор Міхаіл Свецін памёр у рэанімацыі
16- 30.08.2015, 11:12
- 74,213
Народны артыст Расейскай Федэрацыі Міхаіл Свецін памёр у рэанімацыі Гатчынскай цэнтральнай раённай бальніцы ў Ленінградскай вобласці.
Ён быў шпіталізаваны з інсультам. Пра гэта ТАСС паведамілі ў прэс-службе адміністрацыі рэгіёну. Міхаілу Свеціну было 84 гады.
23 жніўня актора, які знаходзіўся на лецішчы, тэрмінова даставілі ў бальніцу, дзе пасля была праведзеная аперацыя. Затым артыста перавялі ў рэанімацыю і падключылі да штучнай вентыляцыі лёгкіх.
Міхаіл Свецін - заслужаны артыст РСФСР, народны артыст Расеі, актор Санкт-Пецярбургскага акадэмічнага тэатра камедыі імя Акімава. Гледачам вядомы па ролях у фільмах «Афоня», «Дванаццаць крэслаў», «Чалавек з бульвара Капуцынаў», «Не можа быць!», «Каханая жанчына механіка Гаўрылава». Усяго на ягоным рахунку больш за 80 работ у кіно.