Ва Украіне 1 верасня рэзка вырастуць тарыфы на электраэнэргію

Ва Украіне падвысяцца кошты электраэнэргіі амаль на 20%. Падаражанне закране ўсіх - і гарадское насельніцтва, і жыхароў вёсак.

Вытворцы электраэнэргіі запэўніваюць, што павышэнне наспела ўжо даўно, а экспэрты запэўніваюць: новыя лічбы завышаныя, гаворыцца ў сюжэце ТСН. Калі раней за кілават спажыўцы плацілі 37 кап., то з першага верасня за кожны выкарыстаны кілават электраэнергіі давядзецца заплаціць 45,6 кап. Гэты тарыф дзейнічае, калі агульны аб'ём выкарыстанай электрычнасці за месяц не перавысіў 100 кілават.

Для тых жа, хто перавышае гэтую норму, будуць дзейнічаць іншыя ўмовы: калі вы спажылі ад 100 да 600 кілават - заплаціце за кожны па 79 кап. А тым, хто перавысіў паказчык 600 кілават, давядзецца плаціць па тарыфе 1,48 грн.

Былы міністр жыллёва-камунальнай гаспадаркі Аляксей Кучарэнка ўпэўнены, што для пераважнай большасці ўкраінцаў новыя тарыфы на электрычнасць з'яўляюцца непад'ёмнымі. З ягоных слоў, нямала ўкраінцаў аддавалі за камунальныя паслугі апошнюю капейку нават старымі коштамі, а цяпер ім паднялі кошт кілават-гадзіны і яшчэ і знізілі аб'ём спажывання самай таннай электрычнасці.

«Павышэнне б'е ў першую чаргу па гэтай катэгорыі 100-600 кілават-гадзін. Раней найменшы аб'ём таннай электраэнэргіі быў 150 кілават, цяпер стаў 100. І цяпер ніводная сям'я не змяшчаецца ў гэтыя 100 кілават», - падкрэсліў ён.