Банк Вялікабрытаніі блакаваў выплату RT праз санкцыі супраць Кісялёва

Брытанскае прадстаўніцтва банка BBVA заблакавала пералічэнне на рахунак расейскага тэлеканала RT сродкаў, атрыманых ад продажу рэкламы ў Вялікабрытаніі.

Пастанова аб гэтым была прынятая праз тое, што да транзакцыі можа мець ускоснае дачыненне генеральны дырэктар МІА «Россия сегодня» Дзмітрый Кісялёў, які ўключаны ў санкцыйных спіс Еўрапейскага Звязу (ЕЗ), паведамляе РІА «Новости» са спасылкай на прэс-службу RT.

У якасці абгрунтавання прычыны адмовы прадстаўнікі BBVA адзначылі: «Так як Кісялёў фігуруе ў «Санкцыях і Пастановах ЕЗ», выдаванне сродкаў арганізацыі або структуры, звязанай з ім, або ў яго інтарэсах, можа з'яўляцца парушэннем гэтых «Санкцый і Пастаноў ЕЗ».