Менчуку выдалі ў абменным пункце «лішнія» 450 еўра
31- 31.08.2015, 17:43
- 22,794
Увечары 18 жніўня касір абменнага пункта валют пры правядзенні аперацыі канверсіі выдала мужчыну на 450 еўра больш чым патрэбна.
А менавіта замест 50-ці перадала яму 500 еўра. Пасля гэтага ён узяў грошы і схаваўся. Пра гэта паведамілі ў прэс-службе УУС Гарадзенскага аблвыканкама.
Праваахоўнікі звярнуліся да грамадзян па дапамогу знайсці мужчыну.
Мужчыну ж яны параілі прыйсці ў банк і вярнуць лішнія грошы, у такім выпадку яму ўдасца пазбегнуць крымінальнай адказнасці. Таксама ў папярэдніх выпадках свядомыя грамадзяне атрымлівалі ўзнагароду ад банка.