Віцебская мытня затрымала 118 тон агародніны з ЕЗ
13- 31.08.2015, 21:48
- 136,670
Беларускія мытнікі затрымалі вялікую партыю садавіны і агародніны з краін Еўразвязу.
Як паведамляе ДМК, супрацоўнікамі Віцебскай мытні ў пункце мытнай рэгістрацыі «Урбаны» быў выяўлены факт незаконнага перамяшчэння ў сямі грузавых транспартных сродках садавіны і агародніны ў асартыменце, пішуць «Беларускія навіны».
Для мытнай рэгістрацыі тавару былі пададзеныя суправаджальныя дакументы, якія змяшчаюць недакладныя звесткі аб адпраўніку і краіне паходжання тавараў, а таксама нядзейныя фітасанітарныя сертыфікаты.
Тавары, сярод якіх персікі, нектарыны, перац, яблыкі, салата, сельдэрэй – агулам пад 118 тон папярэднім ацэначнай вартасцю 2,87 млрд рублёў, сканфіскаваныя. Мытняй пачаты адміністрацыйны працэс.