Кошт нафты пачаў расці пасля рэкорднага падзення
3- 4.08.2015, 9:14
- 10,139
Сусветныя кошты нафты ў аўторак перайшлі да росту ў рамках карэкцыі пасля падзення на 5% напярэдадні.
Паводле стану на 09.00 кошт вераснёўскіх ф'ючэрсаў на паўночнаморскую сумесь Brent павышаўся на 0,36% - да $49,7 за барэль. Кошт вераснёўскіх ф'ючэрсаў на WTI павялічваўся на 0,71% - да $45,49 за барэль, піша «Прайм».
У панядзелак кошт нафты маркі Brent упершыню з 15 студзеня абрынуўся ніжэй псіхалагічнай адзнакі $50 за барэль праз абвостраную асцярогу адносна празмернасці сыравіны на рынку.
Здабыча нафты краінамі АПЕК у ліпені дасягнула максімальнага месячнага ўзроўню за апошнія некалькі гадоў, і аб'ём можа павялічыцца, калі Іран выканае свой план нарошчвання здабычы на 500 тысяч барэляў пасля зняцця санкцый.