Прэм'ер Грузіі правёў перастаноўкі ва ўрадзе

Абвяшчэння даверу парламентам новаму складу ўрада не патрабуецца.

Прэм'ер-міністр Грузіі Іраклій Гарыбашвілі правёў кадравыя перастаноўкі ва ўрадзе і прызначыў на пасаду кіраўніка Міністэрства замежных спраў, міністра эканомікі Георгія Квырыкашвілі. Пра гэта паведамляе выданне Грузія Online.

Адначасова на вызваленую пасаду міністра эканомікі і ўстойлівага развіцця прызначаны былы віцэ-мэр Тбілісі Дзмітрый Кумсішвілі.

Са слоў грузінскага прэм'ера, Квырыкашвілі будзе добрым міністрам замежных спраў. «Я мяркую, што Георгій Квырыкашвілі будзе вельмі паспяховым міністрам замежных спраў. Яго веды і досвед дапамогуць нам у ажыццяўленні такой замежнай палітыкі, якая будзе ў больш цеснай сувязі з нашымі эканамічнымі прыярытэтамі і прынясе нашай краіне больш поспеху як на замежнапалітычным кірунку, так і ўзмацненнем эканамічнай палітыкі», - заявіў Гарыбашвілі.

Адзначаецца, што абвяшчэння даверу парламентам новаму складу ўрада не патрабуецца.

У той жа час прэм'ер Грузіі даручыў новапрызначанаму міністру замежных спраў вызначыць, дзе будзе працаваць Тамара Беручашвілі, якая ўзначальвала МЗС Грузіі дагэтуль. Нагадаем, Тамара Беручашвілі прапрацавала на пасадзе кіраўніцы МЗС Грузіі з 11 лістапада 2014 года. Раней яна займала пасаду намесніцы міністра замежных спраў у камандзе былога кіраўніка МЗС Маі Панджынікідзе.