На вуліцы Ванеева ў Менску перакуліўся каток
4- 1.09.2015, 12:31
- 18,746
Учора днём на скрыжаванні з кругавым рухам у раёне праспекта Ракасоўскага і вуліцы Ванеева ў Менску перакуліўся каток.
Цікава, што ДАІ на месца здарэння ніхто не выклікаў. Тэхніку эвакуавалі самастойна. Паводле наяўнай інфармацыі, ніхто не пацярпеў, піша onliner.by.
Відавочцы распавялі, што каток перавозілі на нейкім прычэпе і ён перакуліўся з яго на праезную частку. Затым на месца прыбыла іншая тэхніка, з дапамогай якой пашкоджаны каток павезлі.