Як змянілася ўкраінскае войска за год вайны з Расеяй
1- 2.09.2015, 10:32
- 16,297
З 1 жніўня мінулага года падвоеная колькасць асабовага складу УСУ, артылерыйскіх сістэм і баявых самалётаў, колькасць РСЗА павялічаная ўтрая.
Прэс-служба Генеральнага штаба Узброеных Сіл Украіны паказала, як змяніліся ўкраінскія войскі з 1 жніўня 2014 да 29 жніўня 2015 года. Адпаведная Інфаграфіка апублікаваная на старонцы Генштаба ў «Фэйсбуку».
Колькасць брыгад за мінулы год павялічылася з 8 да 25, колькасць батальёнаў - з 50 да 150. Асабісты склад украінскага войска з улікам рэзерву цяпер налічвае 73 тыс чалавек, год таму было 32 тыс.
Колькасць танкаў узрасла з 210 да 360, яны адведзеныя ад лініі фронту згодна з менскімі дамоўленасцямі. Колькасць баявых браніраваных машын узрасла з 900 да 1400. Колькасць рэактыўных сістэм залпавага агню (РСЗА) павялічана з 80 да 230, яны таксама адведзены згодна Менску-2. Артылерыйскія сістэмы і мінамёты калібра звыш 100 мм: было 450, стала 800, таксама адведзены.
Баявая авіяцыя: колькасць самалётаў складае 40 адзінак (было 20), колькасць гелікоптэраў не змянілася - 30 адзінак.