Назіральнікі АБСЕ паведамляюць аб парушэнні перамір'я ў Данбасе
- 2.09.2015, 12:37
- 5,740
Арганізацыя бяспекі і супрацоўніцтва ў Еўропе назірала не поўнае захаванне рэжыму спынення агню на Данбасе з пачатку навучальнага года.
Пра гэта заявіў намеснік кіраўніка спецыяльнай маніторынгавай місіі (СММ) АБСЕ Аляксандр Хуг Deutsche Welle 1 верасня.
З ягоных слоў, назіральнікі місіі чулі больш за 30 выбухаў у раёне разбуранага данецкага аэрапорта.
Пры гэтым невядома, што гэта былі за выбухі і які з бакоў нясе за гэта адказнасць.
Тым не менш, як адзначыў Аляксандр Хуг, сітуацыя ў зоне канфлікту стала нашмат спакайнейшай, чым раней.
Як вядома, 26 жніўня ўдзельнікі кантактнай групы на сустрэчы ў Менску выказалі намер забяспечыць устойлівае спыненне агню на ўсёй лініі судакранання на Данбасе да 1 верасня.
1 верасня ўсе ўдзельнікі трохбаковай кантактнай групы ўрэгулявання сітуацыі на Данбасе падчас відэаканферэнцыі пацвердзілі, што абодва бакі выконваюць рэжым спынення агню.