На праспекце ў Менску сутыкнуліся фуры

На праспекце Незалежнасці адбылася аварыя з удзелам двух фур і легкавога аўтамабіля.

Як паведамляе «Минск-Новости», дарожна-транспартнае здарэнне адбылося ў панядзелак днём.

Паводле папярэдняй інфармацыі, кіроўца цягача «МАЗ» з паўпрычэпам рухаўся па сярэдняй паласе з боку Уручча і пачаў перабудоўвацца ў крайнюю правую, каб з'ехаць на МКАД.

У гэты момант фура зачапіла легкавы «Опель» - мужчына за стырном «МАЗа» рэзка вывернуў стырно налева і выехаў на паласу сустрэчнага руху, дзе сутыкнуўся з грузавым «Мэрсэдэсам».

У выніку ДТЗ на праспекце ўтварыўся затор. Аднак да 16 гадзін рух быў цалкам адноўлена. У аварыі ніхто не пацярпеў.