Барак Абама на Алясцы выканаў народны танец
1- 3.09.2015, 15:17
- 33,685
У апошні дзень свайго трохдзённага візіту на Аляску прэзідэнт ЗША Барак Абама выканаў мясцовы народны танец.
Кіраўнік дзяржавы выйшаў на імправізаваную сцэну ў адной са школ горада Дзілінгхем і разам з вучнямі паказаў гледачам некалькі нескладаных рухаў, паведамляе Lenta.ru са спасылкай на ABC.
«Я рэпетыраваў», - заявіў Барак Абама.
WATCH: @POTUS joins native dance with students from Dillingham Middle School in Dillingham, AK:
— ABC News Politics (@ABCPolitics) 2 сентября 2015
Прэзідэнт ЗША пахваліў мясцовую кухню, асабліва яму спадабаліся стравы з рыбы. «Гэта было сапраўды вельмі смачна», - адзначыў прэзідэнт. Ён таксама паведаміў, што мае намер вярнуцца на Аляску яшчэ раз - ужо з жонкай, Мішэль Абамай, і іх дзвюма дочкамі, Маліей і Сашай. Кіраўнік дзяржавы прызнаўся, што шчаслівы пабываць на Алясцы.
«Я асабліва ганаруся вамі, моладзь. Захоўвайце вашыя традыцыі нават тады, калі выйдзеце ў вялікі свет, вучыцеся і выкарыстоўвайце веды на карысць сваёй супольнасці», - адзначыў Абама.
У жніўні стала вядома, што прэзідэнт ЗША возьме ўдзел у шоў на выжыванне Running Wild на тэлеканале NBC, вядоўцам якога з'яўляецца брытанскі падарожнік Беар Грылс. Абама прадэманструе свае навыкі выжывання ў дзікай прыродзе на Алясцы. Дакладная дата выхаду ў эфір серыі з удзелам амерыканскага лідара не называецца, але вядома, што гэта адбудзецца ў 2015 годзе. Абама стане першым прэзідэнтам ЗША, які з'явіцца ў тэлешоў.