Літва можа пастаўляць газ ва Украіну праз Польшчу

Завяршэнне пабудовы інтэрканектара Літва-Польшча створыць тэхнічныя магчымасці для транспарціроўкі газу ва Украіну праз літоўскі LNG-тэрмінал.

Пра гэта амбасадар Літоўскай Рэспублікі ва Украіне Марыус Януконіс сказаў падчас дыскусійнага клуба «Роля Літвы ў стасунках Украіна-Еўразвяз», піша УНІАН.

Пасол мяркуе, што пастаўкі газу ва Украіну з дапамогай прыцягнення літоўскага LNG-тэрмінала тэхнічна магчымыя. «Мы маем злучэнні праз Беларусь, і цяпер існуюць пэўныя праблемы з беларускага боку. Мы павінны спытаць іх пра гэтыя праблемы. Хоць цяпер гэтага не адбываецца, але нашы перамовы працягнуцца, і я спадзяюся, што аднойчы мы будзем здольныя зрабіць гэта, таму што магчымасці нашага LNG-тэрмінала перавышаюць нашы патрэбы», - заявіў Януконіс.

Ён адзначыў, што «мы ўсё яшчэ не маем злучэння з Польшчай, калі мы пабудуем інтэрканектара, магчыма гэта зойме два-тры гады, мы тэхнічна будзем здольныя зрабіць гэта, я маю на ўвазе пастаўляць газ ва Украіну».

Нагадаем, у лістападзе 2014 прэзідэнт Літвы Даля Грыбаўскайтэ падчас візіту ў Кіеў заявіла, што яе краіна гатовая падзяліцца з Украінай досведам у будаўніцтве LNG-тэрмінала для таго, каб пазбавіцца ад залежнасці ў энэрганосьбітах ад расейскага Газпрама.