Аварыя на праспекце Пушкіна ў Менску паралізавала рух

Дарожна-транспартнае здарэнне з удзелам пасажырскага аўтобуса практычна паралізавала рух у гадзіну пік на праспекце Пушкіна ў Менску.

Аварыя адбылася ў непасрэднай блізкасці ад скрыжавання праспекта Пушкіна з вуліцай Альшэўскага, піша БелТА.

Імаверна, пасажырскі аўтобус рабіў разварот у спецыяльна прадугледжаным для гэтага месцы, аднак падчас манеўру адбылося сутыкненне з легкавым аўтатранспартам іншых удзельнікаў дарожнага руху.

У выніку ДТЗ аўтобус амаль перагарадзіў праезную частку ў напрамку цэнтра горада, утварыўся вялікі затор. Значных пашкоджанняў транспартныя сродкі не атрымалі, і ў гэтым здарэнні ніхто не пацярпеў.

Інцыдэнт выклікаў нязручнасці як у аўтааматараў, якія вымушаныя стаяць у заторы, што расцягнуўся ў абодва бакі праспекта, так і ў пасажыраў грамадскага транспарту. Бо на гэтым участку пракладзеныя тралейбусныя лініі, кіроўца гэтага віду транспарту, не маючы тэхнічнай магчымасці аб'ехаць перашкоду, вымушаныя высаджваць сваіх пасажыраў.

Пакуль складана сказаць, хто менавіта з'яўляецца вінаватым у аварыі. Усе абставіны здарэння ўсталююць кампетэнтныя структуры.