Barclays панізіў прагноз коштаў нафты

Эканамісты брытанскага банка Barclays панізілі прагноз сярэдняга кошту нафты Brent у другой палове 2015 года.

Цяпер яны чакаюць, што эталонны гатунак у сярэднім будзе каштаваць $53 за барэль, а не $63, як меркавалася раней, паведамляе РБК.

Аналітыкі Barclays патлумачылі сваю пастанову ростам запасаў, незніжальнаю актыўнасцю амерыканскіх здабытчыкаў і занепакоенасць аб эканамічным росце Кітая.

Эканамісты таксама чакаюць больш стрыманага росту коштаў ў 2016 годзе. На іх думку, у сярэднім у наступным годзе Brent будзе каштаваць $63 за барэль (папярэдні прагноз - $68).

"Нечаканая ўстойлівасць вытворцаў цяжказдабывальнай нафты, занепакоенасць з нагоды Кітая і ўмацаванне даляра ЗША прымушаюць нас меркаваць, што для аднаўлення коштаў спатрэбіцца больш часу", - паведаміла каманда аналітыкаў на чале з Майклам Коэнам.

Напярэдадні прагноз кошту нафты панізіў французскі банк BNP Paribas. Калі ў траўні экспэрты фінарганізацый чакалі, што барэль Brent у IV квартале 2015 будзе ў сярэднім каштаваць $69, то цяпер прагноз паніжаны да $55. Аналагічны прагноз наконт нафты маркі WTI - $51 за барэль, што на $10 ніжэй папярэдняга прагнозу.