Пятро Парашэнка: «Нармандскі фармат» - праўкраінская сусветная кааліцыя

Нармандскі фармат азначае не толькі падтрымку Украіны з боку Нямеччыны і Францыі, але і магутную сусветную праўкраінскі кааліцыю.

Пра гэта заявіў прэзідэнт Украіны Пятро Парашэнка, піша "Корреспондент".

"Нармандскі фармат - гэта не толькі кіраўніцтва краін Нямеччыны і Францыі, не толькі яны забяспечваюць падтрымкаю пазіцыі Украіны. Нармандскі фармат - гэта магутная праўкраінская сусветная кааліцыя, бо лідары краін Еўразвязу прадстаўляюць Еўразвяз, і гэта было зафіксавана пастановай Рады. Таму што ў нас ёсць выразная трансатлантычная каардынацыя, для таго, каб нашы партнёры з Атлантычнага акіяна, ЗША, Канады стаялі на ўкраінскім баку. І ўвесь свет, пачынаючы з Японіі і Аўстраліі... сёння на нашым баку", - сказаў ён.

Прэзідэнт чарговым разам заявіў, што альтэрнатывы Менскім дамоўленасцям няма.

"Калі мы хочам вярнуць гэтыя тэрыторыі Украіне (Данбас-рэд.), калі мы хочам спыніць акупацыю, калі мы хочам выйсці на ўкраінскія межы, калі мы хочам вызваліць украінскіх закладнікаў, якія незаконна ўтрымліваюцца як на акупаваных тэрыторыях, так і ў РФ, вельмі важная роля АБСЕ", - сказаў ён.

Парашэнка адзначыў, што ключавой пазіцыяй менскіх дамоўленасцей з'яўляецца тое, што апанентам Украіны не атрымалася свету паказаць сітуацыю на Данбасе як унутраны канфлікт.

Прэзідэнт Украіны Пятро Парашэнка заяўляе, што мінулы тыдзень быў першым, калі запрацавалі Менскія пагаднення ў частцы спынення агню. Пра гэта ён заявіў падчас выступу перад прадстаўнікамі пракуратуры ў Кіеве.

"У мяне для вас добрая навіна. Сёння першы тыдзень, калі на фронце не страляюць. Першы тыдзень, калі нарэшце пачалі працаваць Менскія дамоўленасці. Так, яшчэ гінуць хлопцы на расцяжках, у тым ліку на нашых, і ёсць параненыя. Яшчэ гінуць у ДТЗ, па-іншаму. Але ад баявых сутыкненняў, ад абстрэлаў сёння не гінуць", - адзначыў прэзідэнт.

Кіраўнік дзяржавы падкрэсліў: "Гэты тыдзень - гэта цвёрдая надзея на тое, што намаганні Украіны, намаганні маёй каманды, намаганні забяспечыць мір - дадуць нам магчымасць будаваць новую, эфектыўную дзяржаву".

Нагадаем, раней СМІ паведамлялі, што ў Менску ўзгаднілі дакумент аб адводзе ўзбраенняў на Данбасе. Дакумент аб адводзе ўзбраенняў калібрам менш за 100 мм можа быць падпісаны 8 верасня.