Дзеці-інваліды змогуць вучыцца ў звычайных школах
6- 5.09.2015, 17:11
- 19,786
Адукацыя будзе даступная на ўсіх узроўнях: у дзіцячых садках, школах, каледжах, ПТВ і ВНУ.
Раней дзеці з асаблівасцямі развіцця маглі атрымліваць адукацыю ў спецшколах і інтэграваных класах у звычайных школах, піша kp.by.
Інклюзіўная адукацыя, якая прыйдзе на месца гэтых мадэляў, падобная да інтэграванай: дзеці з асаблівасцямі і здаровыя вучацца ў адным класе, але сістэма і падыходы навучання падладжваецца пад дзіцяці. Больш за тое, адукацыя будзе даступная на ўсіх узроўнях: у дзіцячых садках, школах, каледжах, ПТВ і ВНУ. Пры гэтым спецкласы і групы для інвалідаў абяцаюць не закрываць. Адная з задач праграмы - фармаванне талерантнасці ва ўсіх удзельнікаў навучальнага працэсу.
Фінансаванне інклюзіўнай адукацыі будзе ісці за кошт дзяржбюджэту і спонсарскіх сродкаў. Найбліжэйшыя два гады будзе ісці падрыхтоўка рэалізацыі канцэпцыі. У 2018 асобныя навучальныя ўстановы цалкам пяройдуць да інклюзіўнай адукацыі, а пасля 2020 года склад удзельнікаў праграмы павінен пашырыцца.