Аляксей Навальны: «Ён 26 гадоў у журналістыцы і ў яго іпатэка»

Блогер каментуе скандальную выхадку вядоўцы НТБ Андрэя Норкіна

Падчас перадачы «Месца сустрэчы» Норкін выгнаў з студыі ўкраінскага палітолага Сяргея Запарожскага

«Агіднае якое відовішча. Спачатку ён хлусіць, а потым выганяе са студыі таго, хто выкрыў, што ён хлусіць», – піша Аляксей Навальны ў сваім блогу.

«І ў буйным хлусіць: версія “малазійскі боінг збіў украінскі самалёт” не была проста выказаная ў эфіры тэлеканала (мабыць, тут маецца на ўвазе смяхотная фальсіфікацыя ад Лявонцьева на Першым канале), яна была афіцыйнай версіяй, разгляданай СК РФ. Усе выдумкі пра “капітана Валошына” да гэтага часу вісяць у іх на сайце. І ў дробязях хлусіць: Норкін называе ўчорашняе разгромнае інтэрв'ю Пяскова BBC “інтэрв'ю нейкаму ўкраінскаму журналісту”».

«А самае агіднае – матыў хлусні. “Журналіст” Норкін – ён жа не ватнік нейкі, і не дзяржаўнік, і дакладна не антызаходнік. Працаваў на “Эхо Москвы”, Рэха-ТБ, RTVI і г. д і да т. п. – самыя ліберальныя каналы.

Ён проста прадажная шкура з іпатэкай. Ягоная былая калега Вера Крычэўская гэта выдатна апісала: “Норкін учора выгнаў у грубай форме з студыі ўкраінскага экспэрта... Увогуле я памятаю, што мы іпатэку Норкіну рэструктурызавалі (я асабіста ў кабінеце Бэлы Златкіс у Ашчадбанку) у 2010 годзе... Увогуле ён, калі яшчэ не набраў, павінен быў неяк выкруціцца з сітуацыі, калі ТАК трэба служыць, губляючы ТАК чалавечую годнасць...”»

«Як пачаў выкручвацца ў 2010, так выкручваецца да гэтага часу. Ужо чалавечае аблічча страціў, але ўсё яшчэ трасе сівой галавой і усклікае, спрабуючы паказаць даўно страчаную годнасць: я 26 гадоў у журналістыцы! Дарагі Андрэй Норкін, вы так і крычыце ў наступны раз: У мяне іпатэка, пайшоў прэч з студыі! Яшчэ тры гады плаціць, а потым за машыну ўнёскі. Прэч, прэч, сыходзьце!»