Міліцыя складае пратаколы па-беларуску

Усяго падчас акцыі на актывістаў было складзена пяць пратаколаў.

У суботу ў цэнтры Менска, каля ўніверсама «Цэнтральны», прайшла акцыя збору подпісаў за ўнясенне бел-чырвона-белага сцяга ў спіс гісторыка-культурных каштоўнасцяў, піша nn.by.

Падчас акцыі было складзена 5 пратаколаў за парушэнне парадку правядзення масавых мерапрыемстваў. Арганізатар акцыі лідар «Маладога Фронту» Зміцер Дашкевіч сёлета прыдумаў цікавы эксперымент - ён адмаўляецца ад дачы асабістых звестак праз неразуменне расейскай мовы. Некаторыя з удзельнікаў акцыі таксама падхапілі гэты аргумент, таму міліцыянты былі вымушаныя гаварыць з імі па-беларуску.