На «Нафтане» прагрымелі тры выбухі і адбыўся пажар
5- 14.10.2016, 12:36
- 10,720
Пажар узнік у помпавым будынку наваполацкага прадпрыемства.
14 кастрычніка раніцай на «Нафтане» ў Наваполацку «выбухнула ўстаноўка»: «было тры выбухі, назіралася адкрытае гарэнне», - паведаміў tut.by чытач.
Цяпер пажар ліквідаваны, пацярпелых няма, паведаміў прэс-сакратар МНС Віталь Навіцкі.
«Пажар узнік у помпавым будынку. З 6 кастрычніка гэты аб'ект знаходзіцца на рамонце. А 10.25 пажар быў лакалізаваны, а 10.37 - ліквідаваны. Пацярпелых няма. На працу прадпрыемства здарэнне не паўплывала», - удакладніў Віталь Навіцкі.
У адміністрацыі ААТ «Нафтан» каментар пакуль атрымаць не ўдалося.
Прычына пажару высвятляецца.