Боб Дылан выдаліў са свайго сайта згадкі пра Нобелеўскую прэмію
7- 21.10.2016, 15:45
- 7,424
Згадка пра прэстыжную ўзнагароду з'явілася на старонцы музыкі 20 кастрычніка.
З сайта амерыканскага спевака, мастака і актора Боба Дылана знікла фраза аб прысуджэнні Нобелеўскай прэміі. Інфармацыя пра ўзнагароду з'явілася на старонцы музыкі 20 кастрычніка.
Як паведамляе russian.rt.com са спасылкай на The Guardian, фраза «лаўрэат Нобелеўскай прэміі ў літаратуры», якая з'явілася на старонцы з тэкстамі песень Дылана, была выдаленая.
«Боб Дылан, нобелеўскі лаўрэат, цяпер проста Боб Дылан», - піша выданне.
Паведамляецца, што спявак дагэтуль не пракаментаваў атрыманне прэміі.
Боб Дылан атрымаў Нобелеўскую прэмію ў літаратуры за 2016 год «за стварэнне новых паэтычных выразаў у вялікай амерыканскай песеннай традыцыі».