У Таліне эвакуявалі аэрапорт
- 22.10.2016, 18:22
- 12,020
У будынку аэрапорта Таліна працуе паліцыя з сабакамі.
Аэрапорт у Таліне эвакуявалі праз паведамленне пра пагрозу выбуху. Пра гэта паведамляе Delfi.
«Прэс-сакратар паліцыі пацвердзіў, што такая пагроза была. Паведамленне пра пагрозу выбуху паступіла прыкладна а 00:10», - адзначаецца ў паведамленні.
Зараз ля будынку аэрапорта працуе паліцыя з сабакамі.
Самалёты, якія прыбываюць у Талін, будуць прызямляцца на пасадачныя палосы, але людзей пакуль што з салонаў не будуць выпускаць. Таксама не будуць пускаць у памяшканне аэрапорта тых, хто прыехаў сустракаць пасажыраў.
Пазней стала вядома, што выбухам у Талінскім аэрапорце пагражаў рускамоўны мужчына, які знаходзіцца ў месцах зняволення.