Ва Украіне стартавалі міжнародныя гонкі робатаў
- 23.10.2016, 16:40
- 14,451
У Львове адкрыліся міжнародныя спаборніцтвы ў гонках аўтаномных робатаў за кубак Нацыянальнага ўніверсітэта «Львоўская палітэхніка».
Аб гэтым піша УНIАН са спасылкай на прэс-службу ВНУ.
Там адзначылі, што гонкі робатаў-аўтамабіляў праводзяцца ў Львоўскай палітэхніцы штогод для таго, каб актывізаваць навукова-тэхнічную творчасць студэнтаў.
Ва ўніверсітэце мяркуюць, што праектаванне і выраб робатаў, а таксама спаборніцтвы ў гэтаму тыпе тэхнічнага спорту - эфектыўная форма навучання і практыкі моладзі. Таму што гэта патрабуе ведаў і навыкаў у розных дысцыплінах - матэматыцы, праграмаванні, электроніцы, механіцы і фатоніцы.