Фотафакт: У Магілёве на мосце з'явіліся львы

Мост цераз Днепр па Пушкінскім праспекце адкрыўся пасля рэканструкцыі

Бронзавыя львы, усталяваныя па двое з абодвух бакоў уезду на мост, выкананыя ў двух варыянтах. З боку Дняпроўскага спуску яны стаяць, як бы прытрымліваючы адной лапай невялікі шар, а з боку Задняпроўя - ляжаць у позе знакамітага егіпецкага сфінкса, паведамляе БелаПАН.

На пастаменце кожнай скульптуры размешчаныя таблічкі. На іх - аднолькавы надпіс на беларускай мове, які гаворыць аб тым, што аўтарам ідэі з'яўляецца Уладзімір Цумараў (цяпер ён узначальвае Магілёўскі гарвыканкам), скульптар - Андрэй Вараб'ёў, кансультанты - Аскольд і Эдгард Запашныя, мадэль - белы леў Джон.

На агароджы моста ўсталяваныя дэкаратыўныя шчыты з выявамі герба Магілёва і галовы льва. Раней там мацавалася савецкая сімволіка.

Акрамя таго, выяўлены зімой паблізу моста падмурак Траецкай царквы закансерваваны, тэрыторыя паблізу яго добраўпарадкаваная. Таксама там пракладзеная кругавая дарожка і ўсталяваныя лаўкі.

Сам мост падчас рэканструкцыі практычна не закрываўся. Аўтамабільны рух быў абмежавана дзвюма палосамі, але цалкам перакрываўся толькі некалькі разоў на непрацяглы час. Цяпер рух аўтатранспарту па аб'екце адбываецца па трох палосах у кожны бок, з'явілася магчымасць павярнуць налева, заязджаючы на правы бераг Дняпра. Там жа для зручнасці пешаходаў на скрыжаванні зроблены падземны пераход.