Прыватны карабель Cygnus прыстыкаваўся да Міжнароднай касмічнай станцыі

Cygnus належыць амерыканскай кампаніі Orbital ATK.

Грузавы карабель Cygnus («Сігнус») прыстыкаваўся да Міжнароднай касмічнай станцыі (МКС), паведамляе «Радыё Свабода» са спасылкай на NASA.

Карабель прывёз больш за дзве тоны грузаў, у тым ліку правізію і апаратуру для навуковых эксперыментаў.

Cygnus належыць прыватнай амерыканскай кампаніі Orbital ATK. Карабель быў запушчаны ў космас 17 кастрычніка. Гэта быў першы запуск касмічнага апарата Orbital ATK пасля таго, як у сакавіку 2014 года выбухнула ракета-носьбіт Antares.

7 верасня на МКС выправілася 49 экспедыцыя, у яе складзе расейцы Сяргей Рыжыкаў, Анатоль Іванішын і Андрэй Барысенка, амерыканцы Роберт Шэйн Кімбрау і Кэтлін Рубенс, а таксама японец Такуя Онісі.