У Кітаі прайшоў фестываль вялікіх панд

У кітайскай правінцыі Сычуань прайшоў першы маштабны фестываль вялікіх панд.

Наведвальнікі, якія прыехалі ў павет Вэньчуань, маглі паглядзець на 33 мядзведзяў. Усяго ў Вэньчуане жыве 165 панд, паведамляе meduza.io.

«Вялікія панды многія гады гарманічна суседнічалі з народамі Тыбету, Цян, Хуэй і Хань. Панды жылі, гарэзавалі і размнажаліся тут сотні гадоў», - распавяла намесніца кіраўніка Вэньчуаня Ван На.