Стала вядома, колькі зарабляе Алег Дулуб у львоўскіх «Карпатах»

У кастрычніку галоўны трэнер пакінуў клуб «Крумкачы», падпісаўшы кантракт з украінскім клубам на 5 гадоў.

Украінскі спартыўны рэсурс «Футбол 24» апублікаваў рэйтынг заробкаў трэнераў каманд Прэм'ер-лігі. Аўтары рэйтынгу падкрэсліваюць, што ў іх неафіцыйная інфармацыя, кажучы пра тое, што такая інфармацыя з'яўляецца канфідэнцыяльнай, піша tut.by.

Беларускі спецыяліст Алег Дулуб, які ў кастрычніку пакінуў «Крумкачы» і перайшоў у львоўскія «Карпаты», атрымлівае ў год 90 тысяч даляраў.

Першае месца ў спісе займае Паўлу Фансека («Шахцёр»), які зарабляе 2,4 мільёна даляраў.

У мінулым чэмпіянаце Украіны самым высокааплатным трэнерам быў Мірча Лучэску («Шахцёр») - 4,35 мільёна.

Пад кіраўніцтвам Алега Дулуба «Карпаты» згулялі ўнічыю з «Дняпром» 1:1 і саступілі «Сталі» 0:1. Каманда працягвае замыкаць турнірную табліцу ўкраінскай Прэм'ер-лігі.

Нагадаем, што 6 кастрычніка галоўны трэнер Алег Дулуб пакінуў клуб «Крумкачы», перайшоўшы ў львоўскія «Карпаты», падпісаўшы кантракт з клубам на 5 гадоў і стаўшы сёмым трэнерам клуба за год.