Пад Арэнбургам паднялі на трывогу ракетчыкаў з «Іскандэрамі»
8- 26.10.2016, 10:25
- 11,652
На трывогу было паднята блізу 40 адзінак баявой тэхнікі.
У Арэнбургскай вобласці на вучэбную трывогу паднятая брыгада, ва ўзбраенні якой знаходзяцца аператыўна-тактычныя комплексы «Іскандэр-М», піша агенцтва РІА «Новости» са спасылкай на памочніка камандуючага войскамі Цэнтральнай вайсковай акругі (ЦВА) палкоўніка Яраслава Рашчупкіна.
Са слоў суразмоўцы выдання, трывога праводзіцца ў рамках кантрольнай праверкі паводле вынікаў бягучага навучальнага года.
«На завяршальным этапе разлікі правядуць электронныя запускі балістычных ракет па базавых лагерах умоўных незаконных узброеных фармаваннях», - распавёў Рашчупкін. На гэты момант, паводле інфармацыі памочніка камандуючага войскамі ЦВА, дывізіёны ўжо здзейснілі марш на Тоцкі палігон, а таксама «прыступілі да выканання нарматываў па абсталяванні стартавых пазіцый, перагрузцы ракет і прыёму-перадачы звестак».
Усяго да праверкі боегатоўнасці прыцягнута больш за 100 вайскоўцаў, задзейнічана блізу 40 адзінак узбраення і вайсковай тэхнікі.