28 сакавiка 2024, Чацвер, 13:39
Падтрымайце
сайт
Сім сім,
Хартыя 97!
Рубрыкі

Гурт АББА наважыў уз'яднацца дзеля новага шоў

21
Гурт АББА наважыў уз'яднацца дзеля новага шоў

Прадусарам шоў стане экс-мэнэджэр гурта Spice Girls Сайман Фулер.

Чацвёра ўдзельнікаў швэдскага поп-гурта АББА Агнэта Фэльтског, Б'ёрн Ульвэўс, Бэні Андэрсан і Ані-Фрыд Лінгстад наважылі ўз'яднацца для падрыхтоўкі новага лічбавага забаўляльнага праекта.

Паведамляецца, што праект будзе спалучаць у сабе віртуальную рэчаіснасць і штучны інтэлект. Прадусарам шоў стане экс-мэнэджэр гурта Spice Girls Сайман Фулер, паведамляе ВВС.

"Мы вывучаем новы тэхналагічны свет, які дазволіць нам ствараць новыя формы забаў, якія мы раней не маглі сабе ўявіць", - гаворыцца ў заяве Фулера.

Са слоў Ані-Фрыд Лінгстад, прыхільнікі калектыву ва ўсім свеце ўжо даўно пытаюцца пра магчымасці ўз'яднання музыкаў знакамітага гурта.

"Спадзяюся, што новы праект АББА захопіць іх гэтак жа, як ён захапляе мяне", - сказала спявачка.

Бэні Андэрсан назваў новую задуму гурта "машынай часу, якая паказвае нам, кім мы былі і кім сталі".

Падрабязнасці новага шоў будуць вядомыя ў наступным годзе.

Гурт АББА быў створаны ў 1972 годзе і раскідаўся ў 1982 годзе. За 10 гадоў калектыў выпусціў восем альбомаў і стаў самым паспяховым поп-гуртом Скандынавіі: агульны наклад запісаў перасягнуў 350 млн паасобнікаў.

Пасля расфармавання гурта яго ўдзельнікі збіраліся разам толькі аднойчы: у чэрвені 2016 года на канцэрце ў гонар 50-годдзя пачатку творчага супрацоўніцтва Ульвэўса і Андэрсана.

Напісаць каментар 21

Таксама сачыце за акаўнтамі Charter97.org у сацыяльных сетках