Apple прэзентавала новы MacBook Pro
8- 27.10.2016, 21:21
- 11,349
Новая версія ноўтбука стане самай тонкай і самай лёгкай у гісторыі Mac.
Кампанія Apple прэзентавала новы ноўтбук MacBook Pro. Гэтая лінейка тавараў амерыканскай кампаніі не абнаўлялася ўжо чатыры гады. Першы MacBook з'явіўся 25 гадоў таму.
13-цалевая версія ноўтбука стане самай тонкай і самай лёгкай у гісторыі Mac. Як удакладнілі ў Apple, ён важыць усяго 1,36 кг. Таксама ёсць 15-цалевая версія, якая важыць 1,81 кг і абсталяваная працэсарам Intel i7 і графічным працэсарам Radeon Pro.
Асаблівым новаўвядзеннем стане сэнсарная панэль Touch Bar, размешчаная на клавіятуры. Яе змесціва змяняецца ў залежнасці ад абранага прыкладання. Панэль будзе прапаноўваць падставіць слова падчас набору тэксту і з яе дапамогай можна будзе выбіраць эмодзі, змяняць гучнасць або выкарыстоўваць інструменты пры рэдагаванні фатаграфій, піша «Інтэрфакс».
Таксама на клавіятуры з'явілася сістэма ідэнтыфікацыі TouchID, карыстальнікі змогуць з дапамогай спецыяльнага чыпа аўтарызоўваць свае онлайн-набыткі і нават перамыкаць карыстальнікаў сістэмы.
Таксама ўласную кнопку атрымала сістэма Siri.
Стваральнікі абяцаюць, што новы MacBook будзе працаваць цішэй, а дынамікі наадварот сталі больш магутнымі.
🤔 https://t.co/YE6LbzWFWn pic.twitter.com/Z1bcZAkIC3
— The Verge (@verge) 27 октября 2016 г.