Больш за 250 вучняў эвакуявалі са школы ў Добрушы праз пажар
- 23.11.2016, 9:58
- 15,678
Узгаранне адбылося ў кабінеце нямецкай мовы.
У Добрушы са школы эвакуяваныя 253 вучні, паведамілі ў МНС Беларусі. Паведамленне аб пажары ў сярэдняй агульнаадукацыйнай школе на вуліцы Гогаля паступіла 22 лістапада аб 11.37.
Да месца выкліку была накіраваная тэхніка МНС. Па прыбыцці праз 5 хвілін ратавальнікаў на другім паверсе школы ў кабінеце нямецкай мовы назіралася задымленне: у навучальным класе гарэла падлога.
Адміністрацыяй школы праводзілася эвакуацыя дзяцей і персаналу. Падраздзяленні МНС лакалізавалі пажар аб 11.43, ліквідавалі ў 11.46.
У выніку агнём пашкоджана падлогавае пакрыццё (лінолеўм) у кабінеце нямецкай мовы. Пацярпелых няма. Навучальны працэс не парушаны. Прычына пажару ўстанаўліваецца.