У Нямеччыне турыстка хацела прыпаркавацца ў метро

Кур'ёзны інцыдэнт адбыўся ў нямецкім Кёльне.

Турыстка з Францыі пераблытала дарожныя знакі і заехала на сваёй машыне ў метро, пераблытаўшы яго з падземнай паркоўкай.

Са слоў жанчыны, яна была занадта захоплена размовай з сяброўкамі, якія сядзелі ззаду. Аўтамабіль давялося эвакуяваць, паведамляе Express.

Аўтамабіль францужанкі дасталі з падземнага пераходу пажарныя і паліцыянты.

На шчасце, у выніку інцыдэнту ніхто не пацярпеў.