У шахце ў Польшчы пры землятрусе загінуў чалавек

Землятрус адбыўся ўчора ўвечары ў Ніжняй Сілезіі.

Падчас землятрусу ў польскім горадзе Палковіцэ (Ніжняя Сілезія) у шахце Рудна загінуў чалавек.

Пра гэта паведаміў тэлеканал TVN24 са спасылкай на кампанію-ўладальніка шахты KGHM.

Землятрус магнітудай 4,5 бала адбыўся а 21:00 паводле мясцовага часу. У выніку здарэння ў шахце аказаліся заблакаваныя 10 гарнякоў. Ратавальнікі знайшлі аднаго загінулага, яшчэ дваіх вывелі з шахты.

У гэты момант працягваюцца пошукі семярых гарнякоў, дадае тэлеканал.