Святаслаў Вакарчук падчас канцэрту ў Менску прысвяціў песню Паўлу Шарамету

У канцы песні ўся зала ўстала.

Сёння, падчас менскага канцэрту папулярнага ўкраінскага рок-гурта «Акіян Эльзы» ў Менск Арэне, лідар гурта Святаслаў Вакарчук прысвяціў вядомаму беларускаму журналісту Паўлу Шарамету, нядаўна забітаму ў Кіеве, песню «Мить» («Імгненне»):

«Напиши на чужому конверті

Те що так у листі не згадав

І за крок до відважної смерті

Будь таким яким Бог тебе знав…»

«У мяне багата знаёмых з Беларусі. І ўсе яны вельмі добрыя людзі, — сказаў ён. — Мы маем магчымасць разам камунікаваць (спілкавацца), праводзіць час. У мяне быў адзін такі знаёмы, брат па духу, з якім мы камунікавалі не так часта, але які шмат што прынёс у маё жыццё. Гэта сапраўдны сын беларускага народа, гэта чалавек, якога страшна паважаюць і любяць ва Украіне, гэта ваш зямляк — Паша Шарамет, якому я хачу пасвяціць гэту песню. Уся Украіна ганарыцца ім. Людміла Станіславаўна, мы ўсе з Вамі, і дзякуй Вам за такога сына».

Вакарчук сказаў, што Шарамет быў вельмi блiскiм да яго чалавекам. Як паведамляе nn.by, пры канцы песні многія гледачы ўсталі, уся Арэна свяцілася агеньчкамі мабільнікаў.