У Туве знайшлі абломак «Прагрэса»
6- 3.12.2016, 10:45
- 20,901
Супрацоўнікі МНС знайшлі абломак грузавога касмічнага карабля «Прагрэс» за 120 км на захад ад сталіцы Тувы Кызыла.
Пра гэта паведамляе РІА «Навіны» са спасылкай на прадстаўніцу ўстановы Луізу Севіл.
Яна ўдакладніла, што паведамленне пра выяўленне металічнага прадмета круглай формы прыйшло ад жыхара Улуг-Хемскага раёна.
«На месца выехала аператыўная група пажарнага гарнізона. Яны зрабілі абследаванне тэрыторыі і ў выніку праведзеных мерапрыемстваў на схіле гары выявілі абломак грузавога касмічнага карабля – металічны прадмет у выглядзе сферы дыяметрам 90 см. У гэты момант супрацоўнікамі паліцыі арганізаванае месца аховы аб'екта да прыбыцця супрацоўнікаў камісіі «Раскосмасу», – сказала яна.
Раней паведамлялася, што ў якасці адной з версій падзення касмічнага грузавіка «Прагрэс МС-04» разглядаецца халатнасць пры вытворчасці рухавіка РД-0110 трэцяй ступені ракеты-носьбіта «Саюз-V».
