Магутны выбух у Данецку: у паветра ўзляцеў склад боепрыпасаў расейскіх наймітаў

Мясцовыя жыхары паведамляюць аб тым, што падчас выбуху загінула амаль сотня баевікоў.

Учора, 3 снежня, у акупаваным Данецку адбыўся магутны выбух. Пра гэта ЛІГА.net паведамілі мясцовыя жыхары.

Выбух знішчыў склад боепрыпасаў баевікоў тэрарыстычнай арганізацыі «ДНР».

Крыніца ЛІГА.net паведамляе, што выбухнуў арсенал зброі прарасейскіх наймітаў, які быў размешчаны на заводзе хімічных вырабаў.

«Выбух было чуваць пад 20:00, магутны, шыбы ў некаторых жылых дамах павыляталі», - сказаў данчук Сяргей.

Аб пацярпелых мясцовых жыхароў інфармацыі пакуль няма.

Аднак, з некаторых звестак, у выніку выбуху былі знішчаныя амаль 100 баевікоў.

2 снежня намеснік міністра ў пытаннях часова акупаваных тэрыторый і ўнутрана перамешчаных асоб Георгій Тука заявіў, што баевікі з ліку мясцовых жыхароў у «ДНР/ЛНР» гатовыя скласці зброю.

«ДНР» і «ЛНР» - тэрарыстычныя арганізацыі, якія захапілі пры падтрымцы Расейскай Федэрацыі частка Данецкай і Луганскай вобласці Украіны. Абедзве арганізацыі створаныя, фінансуюцца і ўтрымліваюцца Расеяй, адкуль, акрамя іншага, тэрарысты атрымліваюць баевікоў, інструктараў, а таксама цяжкую тэхніку, зброю, боепрыпасы і паліва.