Магілёвец стаў першым віцэ-містэрам на конкурсе Mister Supranational 2016
5- 4.12.2016, 13:08
- 27,904
Беларус Сяргей Біндалаў жыве ў Грэцыі і валодае пяццю мовамі.
У фінале міжнароднага конкурсу, які прайшоў 3 снежня ў польскім горадзе Крыніца-Здруй, першым віцэ-містэрам стаў беларус Сяргей Біндалаў, паведамляе kp.by.
Сяргею 29 гадоў, ён нарадзіўся ў Магілёве, а цяпер жыве ў Грэцыі, працуе мэнэджарам у продажах і мадэллю. Маладзён размаўляе на пяці мовах: беларускай, расейскай, ангельскай, грэцкай і гішпанскай. Першы віцэ-містэр займаецца баявымі мастацтвамі і кіруе матацыклам.
Сяргей Біндалаў удзельнічаў у конкурсе «Містэр Беларусь-2014»: тады яму дастаўся тытул «Містар-стыль».
- Прыгажун, разумны, тактоўны, выхаваны, пазітыўны маладзён, які любіць свет і людзей! – павіншавала з перамогай Сяргея Анжаліна Мікульская, мэнэджар спецпраектаў АНТ на сваёй старонцы ў Фэйсбук.