Лекары: Не ўпэўненыя, што мужчыну ў Баранавічах укусіў скарпіён
29- 4.12.2016, 16:16
- 36,686
Медыкі не змаглі вызначыць від кузуркі, якая ўкусіла мужчыну ў краме.
Мужчыну ў Баранавічах сапраўды ўкусілі, але не факт, што скарпіён, паведамілі БелТА у Баранавіцкай гарадской лякарні №2.
«Ляжаў мужчына з укусам нейкага кузуркі. Канкрэтных звестак, што гэта быў скарпіён, няма», - растлумачылі ў лякарні.
Тут удакладнілі, што пацыент паступіў у лякарню 30 лістапада і быў змешчаны пад назіранне. У яго быў укус у палец, невялікі ацёк, але ніякіх сур'ёзных праблем са здароўем не назіралася.
У той жа час лекары лякарні сумняваюцца, што пацыента сапраўды ўкусіў скарпіён. У адваротным выпадку адзначаліся б нейкія наступствы, пагаршэнне агульнага стану. Стан здароўя мужчыны не выклікае асцярогі.
Як раней паведамлялася, жыхара Баранавічаў укусіў скарпіён. Калі той выбіраў бананы ў агароднінным аддзеле крамы Баранавічаў, раптам ён адчуў боль у руцэ. Як выявілася, сярод садавіны знаходзіўся скарпіён, які і ўкусіў пакупніка. Мужчыну ў аператыўным парадку даставілі ў рэанімацыйнае аддзяленне лякарні горада.