У Беларусі з'явілася федэрацыя гонак з перашкодамі
5- 4.12.2016, 17:12
- 33,001
Міністэрства юстыцыі зарэгістравала новую спартовую арганізацыю.
Міністэрства юстыцыі зарэгістравала грамадскую спартовую арганізацыю «Беларуская федэрацыя гонак з перашкодамі».
Сярод задач арганізацыі развіццё гонак з перашкодамі ў рэспубліцы, пашырэнне геаграфіі правядзення спаборніцтваў, павышэнне ўзроўню майстэрства спартоўцаў, развіццё спартыўных сувязяў і дзелавых кантактаў са спартоўцамі з іншых краін.
Як адзначае БелТА, федэрацыя будзе прадстаўляць інтарэсы яе чальцоў у дачыненнях з Міжнароднай федэрацыяй гонак з перашкодамі, адпаведнымі федэрацыямі іншых краін, нацыянальным і міжнародным алімпійскімі камітэтамі, органамі дзяржаўнага кіравання фізічнай культурай і спортам, органамі дзяржаўнай улады і кіравання.